Aktrisa Asal Shodiyeva ishtirokidagi filmlarni kutayotgan muxlislar uchun ajoyib yangilik. Tez kunda Asal Shodiyeva bosh rolni ijro qilgan kartina katta ekranlar yuzini ko‘radi. Kino asar “Ishq iztirobi” deb nomlangan. Bu filmning suratga olinganiga 4 yil bo‘lgan. Shuhrat Mavlonov va Said Muxtorov tomonidan tasvirga tushirilgan filmda Asal Shodiyeva aktyor Ulug‘bek Qodirov bilan birga bosh rolda o‘ynagan. Bundan tashqari Matyoqub Matchonov, Saida Rametova To‘ti Yusupova, Otabek Mahkamov va boshqa ko‘plab taniqli aktyor va aktrisalar jamlangan. Shu kunlarda namoyish qilinishi rejalashtirilgan Mazkur kino asar tomoshabinlarning sevimli kartinasidan biri bo‘ladi deb umid qilamiz.