Bollivud yulduzi Akshay Kumar Krishtianu Ronalduga taqlid qildi
Taniqli hind aktyori Akshay Kumarning sochini bu tarzda turmaklatishiga sabab bor. Gap shundaki, aktyor “Housefull 3” filmida suratga tushmoqda va ayni filmda u futbolchi obrazini yaratmoqda. Shu sababli ham aktyor taniqli futbolchining soch turmagidan foydalanishga qaror qildi.
“Sportga bo‘lgan muhabbatim cheksiz. Karatemi, kriketmi, futbolmi buning ahamiyati yo‘q. Har qanday sport turi men uchun qiziqarli va aziz. Ammo gap futbol haqida ketganida uni o‘ynash zavqini har qanday erkak his etib ko‘rishi kerak deb hisoblayman. “Housefull 3”da men futbolchi obrazini yarataman. Tasvirga olish jarayonlari vaqtida Ritesh Deshmukx va Abxishek Bachchan bilan futbol o‘ynash menga juda yoqdi”, deydi Akshay Kumar.
Ma’lumot uchun, rejissyorlar Sadjid Nadiadvala hamda Farhad hamkorligida yaratilgan “Housefull 3” filmida Akshay Kumardan tashqari Ritesh Demukx, Abxishek Bachchan, Jaklin Fernandes, Nargis Fahri, Liza Xeydon kabi taniqli aktyorlar ishtirok etgan.
Bollivud yulduzi Akshay Kumar Krishtianu Ronalduga taqlid qildi 
