Buxoro viloyatining Shofirkon tumanida noma’lum shaxs R.A.ning xonadoniga kirib, pullari va zargarlik buyumini o‘g‘irlab ketgani haqida xabar berildi. Bu haqda IIV jamoatchilik va OAV bilan aloqalar boshqarmasi ma’lum qildi.

Olib borilgan surishtiruv ishlari natijasida bu ishga R.A.ning turmush o‘rtog‘i, uy bekasi, 1984-yilda tug‘ilgan S.U. qo‘l urgani aniqlandi.

U pullar va zargarlik buyumini o‘z ehtiyoji uchun ishlatib yuboradi. Shundan so‘ng buni oila a’zolaridan yashirib, go‘yo o‘g‘irlik yuz bergani to‘g‘risida yolg‘on ma’lumot beradi.