Yosh va umidli xonanda Farrux Raimov ham bugun o‘zining ilk albom taqdimotini o‘tkazdi. Mazkur tadbir poytaxtimizda joylashgan so‘lim go‘shalardan birida hamkasblari va yaqinlari davrasida bo‘lib o‘tdi. Taqdimot boshida xonanda barcha ustozlari, hamkasblari va albom yaratilishida mehnati singan shoirlar, bastakorlarga o‘z minnatdorchiligini bildirdi:
-Bugun men o‘zimni ilk albomimini taqdim etar ekanman, uni shunchaki chiqarishni va taqdim etishni istamadim. Qolaversa, kuni kecha navro‘z ayyomida qatnashib, ilk bor katta sahnada qo‘shiq kuyladim. Shu kunlarga shukur aytib, bu kechani shukronalik kechasi sifatida sizlar bilan birga o‘tkazishga qaror qildim. Men bu albomni yaratilishida yaqindan yordam bergan barcha shoirlar va bastakorlarga va ustozlarimga katta minnatdorchilik bildiraman. Har doim meni va meni ijodimni qo‘llab-quvvatlaganingiz uchun katta rahmat. O‘z dil izhorlaridan so‘ng shu albomdan joy olgan eng sara qo‘shiqlaridan bir nechtasini ijro etib berdi. Davrani esa lobar xonandalarimiz o‘z raqslari bilan yanada to‘ldirishdi.
Farrux Raimov tomonidan yaratilgan “Ko‘ngil bog‘im” nomli mazkur albom 18 ta qo‘shiq va 8 ta klipni o‘z ichiga olgan. O‘ylaymizki, ushbu albom barcha muxlislarga manzur keladi.
Farrux Raimov ilk albom taqdimotini o‘tkazdi 
