Farzandini ko‘chada dunyoga keltirgan ayol uni xaltaga solib, buta ostiga qo‘yib ketdi
Udmurtiyalik ayol farzandini ko‘chada dunyoga keltirdi. So‘ng uni xaltaga solib, buta ostiga qo‘yib ketdi. Natijada chaqaloq nafas yetishmasligidan vafot etdi. Rossiyalik ayol endi besh yilgacha qamoq jazosiga hukm qilinishi mumkin, deb xabar beradi Lenta nashri. Ta’kidlanishicha, bu joriy yilning 15 aprelida yuz bergan. Balezino qishlog‘ining 35 yoshli fuqarosi homiladorligi to‘g‘risida hech kimga xabar bermadi. U tug‘ruq boshlanganini sezib, mahalliy madaniyat uyi orqasiga boradi. U yerda bolani butazorga qo‘yib, o‘zi uyiga ketadi. Ayol o‘z qilmishini bolani boqish uchun puli yo‘qligi bilan izohladi. Bundan tashqari, u hali shaxsiy hayotini tartibga solmagan. Ayol aybiga to‘liq iqror bo‘ldi. Aprel oyining boshlarida, Lipeskda yashovchi yosh qiz tug‘ib, jasadini uch kun balkonda yashirgan va keyin axlatga tashlagani haqida xabar berilgan edi. Ayolning so‘zlariga ko‘ra, chaqaloq o‘lik holda tug‘ilgan. Ammo, ekspertiza bolaning tanasida miya jarohati topgan.