Сурат ҳамда видео жойлаш хизмати бўлган  Instagram фойдаланувчилари сони 200 миллиондан ошди.

Ярим йил ичида тармоқ аудиторияси 3 баробарга кўпайди, дея хабар беради РИА ахборот агентлиги. 

Ҳозирги кунда Instagram’га юкланган суратлар сони 20 миллиарддан ошиб кетди, - дейилади компания блогида. 

Ҳар куни фойдаланувчилар томонидан 60 миллионга яқин сурат юкланади ҳамда 1,6 миллиард Like тугмаси босилади. Ярим йил аввал бу кўрсаткичлар 55 миллион ҳамда 1,2 миллиардга тенг эди. 

Instagram фойдаланувчиларининг 35 фоизи АҚШда истиқомат қилади. Шунингдек, Instagram ҳозирда АҚШ ҳудудида фото ва видео рекламаларни жорий қилиш устида иш олиб бормоқда. Бошқа мамлакатларда реклама қачон пайдо бўлиши ҳозирча номаълум.