Instagram энг тезкор ўсаётган ижтимоий тармоқ деб топилди
Instagram фотосервиси энг тезкорлик билан ривожланаётган
ижтимоий тармоқ деб топилди. Бу ҳақда 21 январ куни Global Web Index
статистикаси маълум қилиди.
Instagram фаол фойдаланувчилари сони сўнгги икки чораги натижаларига кўра
23 фоизга ўсди. Иккинчи поғонани Reddit сайти эгаллади. Қолган
ижтимоий тармоқларида сезиларли ўсиш кузатилмаган. Хусусан, Twitter
микроблоглар хизмати атига икки фоизга ўсган. YouTube,
Facebook, «ВКонтакте» ва «Одноклассники» ижтимоий тармоқларида пасайиш
кузатилган. Ўртача ҳар бир ижтимоий тармоқ 2013 йилнинг ярмида уч фоиз
фойдаланувчини йўқотган.
Global Web Index статистикасини тузишда 32 мамлакатда яшовчи 170 минг
интернет фойдаланувчиларнинг фикрлари инобатга олинган.
Global Web Index 2012 йилнинг иккинчи ярми якунлари ҳисоботида Instagram
умуман бўлмаган. Ўша даврда энг тезкор ривожланаётган ижтимоий тармоқ деб,
40 фоиз фойдаланувчига кўпайган Twitter топилган. Facebook, Google+
ва «ВКонтакте» 20 фоиз ўсиш суратини кўрсатган.