Shu paytgacha Instagram foydalanuvchilari tarmoqdagi suratlarini kichik fotoalbomlarga aylantirib beruvchi yoki futbolkalarga chop etuvchi qator xizmatlardan bahramand bo‘lib kelayotgan edi. Endilikda Instagram’chilar o‘z suratlari mazasini rosmanasiga tatib ko‘rish imkoniyatiga ham ega bo‘ldilar.

Gap shundaki, Buyuk Britaniyaning Boomf kompaniyasi Instagram’dagi suratlarni sufle shirinliklariga "chop etib berish” xizmatini taklif qilmoqda. Bu haqda The Verge xabar tarqatdi.

Instagramdan ko‘chirib olingan suratlar 9 dona sufle shirinligidan iborat to‘plamga tushirib beriladi. Bunday to‘plamning bittasi 12 funt sterling yoki 19 dollarga baholanmoqda.

Boomf shirinlikdagi suratlar sifati unchalik yuqori bo’lmasa-da, ular kishida ajoyib taassurot qoldirishiga ishontirmoqda.

 Manba:daryo.uz