Kuni kecha instagram tarmog'i orqali ombudsmanning Gulnora Karimova bilan uchrashgani haqidagi xabar tarqalgach, ko'pchilik san'atkorlar bu yangilikni xushxabar sifatida qabul qilishdi. Ayrimlari uning mushkullari oson bo'lishini tilab, duo ham qilishgan.

Ayniqsa, Jahongir Poziljonov o'z instagram sahifasiga Gulnora Karimovaning suratini joylashtirib, unga «Eson-omon oilangiz bag'riga tezroq qaytishingizni tilab qolaman!» deb izoh qoldirgan.

Uning bu tilagi juda ko'p muxlislarda qarama-qarshi fikrlar uyg'otgan. Ayrimlar butun san'at ahlini maddoh deyishgacha borishgan.