Bilolxo‘ja Oripov otasining izidan boryapti 

Marhum xonanada Mo‘min Oripovning turmush o‘rtog‘i Kamola Oripova hamda xonanda Jahongir Poziljonovlar tomonidan suratga olinayotgan "Sevaman dedimmi, sevaman” filmining suratga olish jarayoni nihoyasiga yetib, ovozlashtirish ishlari olib borilmoqda. 

Filmda O‘zbekistonda xizmat ko‘rsatgan artistlar Abduraim Abduvahobov, Muqaddas Holiqova, aktyorlar Bobur Yo‘ldoshev, Zarina Nizomiddinovani ko‘rishingiz mumkin. Darvoqe, film rejissyori Jahongir Poziljonov kartinada Zarina Nizomiddinovaning sevgilisi obrazida namoyon bo‘ladi. Komediya janrida suratga olingan ushbu film voqealari tafsilotiga ko‘ra, aktrisa Zarina Nizomiddinovaning akalari Jahongir Poziljonovni kaltaklab, yerga ko‘mib ketishadi... Qolaversa Mo‘min Oripovning o‘g‘li Bilolxo‘ja Oripov ham filmda o‘ziga xos xarakterdagi qahramon rolini ijro etgan. Qiziq kichik aktyorning kinodagi katta roli tomoshabinlarda qanday taasurot uyg‘otarkin.