Amerikalik qo‘shiqchi Ledi Gaga sevgilisi Teylor Kinniga yer sayyorasidan tashqarida turmushga chiqishni mo‘ljallamoqda. Bu haqda “Segodnya” xabar bermoqda.
OAVlarining ma’lum qilishicha, 28 yoshli yulduz va 33 yoshli Teylor Virgin Galactic kosmik kemasi bortida turmush quradi. Nikoh marosimi 2015-yil boshida o‘tkazilishi rejalashtirilmoqda.
Ledi Gaga atrofidagilarning so‘zlariga ko‘ra, ikki yosh bunday ajoyib imkoniyatni qo‘ldan boy bermaslik haqida o‘ylamoqda. Xonanda bu ishni fazodagi birinchi kelin bo‘lish niyatida rejalashtirdi.
O‘tgan yili noyabr oyida Ledi Gaga yer sayyorasidan tashqarida konsert berishini e’lon qilgan edi. Fazoda konsert beruvchi birinchi xonanda bo‘lgani bois Ledi Gaga xohish bildirganlar kosmosga yuborish bilan shug‘ullanuvchi Richard Brenson kompaniyasi xizmatidan bepul foydalanadi.
Xizmatdan, shuningdek, Eshton Katcher, Bred Pitt va Anjelina Joli singari yulduzlar ham foydalanishni mo‘ljallamoqda.
Ledi Gaga va Teylor Kinni fazoda turmush quradi 
