Moskvadan Namanganga parvoz qilayotgan samolyot Qozonga majburiy qo`ndirildi
Bugun tunda Moskvadan Namangan shahriga uchayotgan samolyot Qozon aeroportiga favulodda qo`nishni amalga oshirdi.
Rossiyaning Tatarston bo`yicha FVV bosh boshqarmasi rahbari Andrey Rodiginning xabar berishicha, favqulodda qo`nish yo`lovchilardan birida qon ketish sababli sodir bo`lgan.
“Moskva vaqti bilan soat 02:14 da Qozon aeroportida A321 aerobusi majburiy qo`nishni amalga oshirdi. 1992 yilda tug`ilgan O`zbekiston fuqarosining og`zidan qon ketish boshlandi”, - deya xabar beradi RIA Novosti Rodiginning so`zlarini.
Matbuot xizmati rahbarining so`zlariga ko`ra, yigit Tatarston Respublika klinik shifoxonasiga etkazilgach samolyot o`z yo`nalishida davom etgan.
Moskvadan Namanganga parvoz qilayotgan samolyot Qozonga majburiy qo`ndirildi 
