Nukus shahar “Mustaqillik” ko‘chasida yashovchi Shaxi imli ayol Xo‘jayli tumani hokimiga murojaat yo‘lladi. U ukasi 2016 yilda uylanganini, ikki yosh totuv yashasa ham kelinining onasi 10 million so‘m qalin pul bermading, deb qizini olib ketganini ma’lum qildi.

«Qizini so‘rab, uyiga besh marta bordik. Onasi bizni haqorat qilib, quvib chiqardi. Harchan pulimiz yo‘qligini tushuntirishga harakat qilmaylik foydasi bo‘lmadi. Onam bu gaplarni ko‘tara olmay, vafot etdi», – deydi Shaxi ismli fuqaro.

2018 yil fevralida murojaat egasi ukasining baxti uchun yana qizning uyiga mahalla fuqarolar yig‘ini raisi bilan boradi. Ammo onasi yana baqirib-chaqirib quvib chiqaradi.

«Ukam bilan kelinim bir birini yoqtiradi. Ularning baxtli bo‘lish tarafdoriman. Puli bor oila qurib, pulsiz kimsalar oilasidan ajralaveradimi? Men bu haqda odamlarning fikrini bilishni xohlayman», – deydi murojaat egasi.