Qozog‘istonda 16 yoshli qiz otasidan homilador bo‘lib qoldi
Sharqiy Qozog‘iston viloyatida ota o‘zining katta qizini zo‘rladi va kichkinasiga tegajog‘liq qila boshladi. Maktabda o‘tkazilgan tibbiy ko‘rik chog‘ida uning katta qizi homilador ekanligi aniqlandi.
Aytilishicha, oilada 5 nafar qiz bo‘lgan. Oila qishloqda ancha tartibli va tinch-totuv ro‘zg‘orlardan biri hisoblanar, qizlar esa maktabda ham, mahallada ham yaxshi taassurot qoldirishar edi.
Ammo katta qiz 16 yoshga to‘lgandan so‘ng u otasi tomonidan zo‘rlandi. Otasi qizini o‘z kirdikorlarini sir saqlashga majbur qilib, turli yo‘llar bilan qo‘rqitib keldi.
Times.kz nashriga ma’lum bo‘lishicha, bu inson 3 yil mobaynida o‘z qizini zo‘rlab kelgan. U esa qo‘rqqanidan hech kimga og‘iz ochmagan. Jazosiz qolayotganini ko‘rgan ota 15 yoshli ikkinchi qizini nishonga olganida uning qo‘rqinchli siri ochilib qoldi.
Maktabda o‘tkazilgan tibbiy tekshiruv chog‘ida opa-singillardan kattasi homilador bo‘lib qolganligi tasdiqlandi. Shunda qiz otasining ishlari haqida gapirib berishga majbur bo‘ldi. Molekulyar-genetik ekspertiza uning so‘zlarini isbotladi.
Qizlarning onasi turmush o‘rtog‘ining qilmishlarini bilgach, chinakam fojiani boshdan kechirdi. U suddan eriga nisbatan eng og‘ir jazoni qo‘llashni so‘radi.
Sud hukmi bilan erkak 17 yillik qamoq jazosini og‘ir tartibli koloniyada o‘taydigan bo‘ldi.
Qozog‘istonda 16 yoshli qiz otasidan homilador bo‘lib qoldi 
