Bugun, 18 yanvar kuni 57 nafar o‘zbekistonlik bo‘lgan, Samara-Chimkent yo‘nalishida harakatlanayotgan avtobus yonib ketdi.

Bugun, 18 yanvar kuni taxminan Ostona vaqti bilan soat 10.30 da, Viloyat markazidan 320 km uzoqlikda, ya’ni Samara-Chimkent yo‘lining Qalibay hududidan o‘tuvchi qismida "Ikarus" avtobusi ishtirokida YTH sodir bo‘ldi. Salonda 55 yo‘lovchi va 2 nafar haydovchi bo‘lgan.

Yo‘lovchi tashuvchi ushbu ichida bo‘lgan 57 nafar o‘zbekistonlikdan 52 nafari voqea joyida yonish natijasida vafot etgan bo‘lib, faqat 5 kishigina yong‘indan omon chiqishga ulgurgan.

Yong‘in vaqtida ikkita yong‘inni o‘chirish maxsus brigadasining 8 kishilik jamoasi ish olib borganiga qaramay, o‘zbekistonlik fuqarolarni qutqarib qolishning imkoni bo‘lmagan.

Oktobidagi Favqulodda vaziyatlar departamentining xabar berishicha, omon qolganlarga psixolog, shifokor, polisiya va qutqaruvchilar barcha yordamlarni berishmoqda. Qurbon bo‘lganlarning shaxsi aniqlanmoqda.