Rashid Xoliqov o‘zini qattiq ta’sirlantirgan voqea haqida so‘zlab berdi
O‘zbekistonda xizmat ko‘rsatgan artist Rashid Xoliqov yaqinda hayotida ro‘y bergan va xotirasida o‘chmas iz qoldirgan ta’sirli voqeani so‘zlab berdi.
“Kuni kecha to‘y xizmatlaridan uyga qaytsam, eshigim tagida notanish mashina turibdi. Mashinamni hovliga olib kirayotib, devkelbat bir kishi mashinadan tushib, men tomon kelayotganini ko‘rdim. Yarim kechasi. Menimcha har qanday odam bunday paytda vahimaga tushishi mumkin. Men ham ko‘nglimda ming xil xavotir bilan eshikni qulfladim. Erkak esa eshigimni taqillatdi. Undan sizga nima kerak deb so‘radim. U farzandi og‘ir betobligini aytib, mendan moliyaviy yordam sifatida biroz pul so‘radi. Uni tushunishga harakat qilsam ham, kunduzi kelishini aytib, qaytarib yubordim. Ertasi kuni yana keldi. So‘ragan pulini berdim. Afsuski, oradan bir hafta o‘tib menga qo‘ng‘iroq qilib, farzandi jarrohlik xonasidan qaytib chiqmaganini aytdi. Juda achindim. U insonga farzandini ohirgi manzilga kuzatish uchun ham biroz yordam berib, xayrlashdim. O‘sha voqeadan so‘ng ancha vaqt o‘zimga kelolmay yurdim”,—deydi Rashid Xoliqov “Darakchi” gazetasiga bergan intervyusida.
Tabib-Na sarakiyo (soundtreck koreya)
Rashid Xoliqov o‘zini qattiq ta’sirlantirgan voqea haqida so‘zlab berdi 
