Madridning “Real” klubi Ispaniya chempionati 34-tur doirasida “Sevilya”ga qarshi qoldirilgan o‘yinda ishtirok etishi mumkin bo‘lgan futbolchilar qaydnomasini e’lon qildi.

“Qirollik klubi” bosh murabbiyi Zinedin Zidan bugungi o‘yin uchun 18 futbolchini kiritdi.

Bahsni bir qator yetakchi futbolchilar o‘tkazib yuboradilar. Jumladan, Krishtianu Ronaldu, Luka Modrich, Keylor Navas, Marselo, Toni Kroos va Rafael Varan qaydnomaga kiritilmadi.

Darvozabonlar: Kiko Kasilya, Luka Zidan.

Himoyachilar: Serxio Ramos, Nacho, Teo Ernandes, Xesus Valexo, Ashraf Hakimi, Alvaro Texero, Migel Kesada.

Yarim himoyachilar: Kazemiro, Marko Asensio, Mateo Kovachich, Dani Sebalos, Markos Lorente, Oskar.

Hujumchilar: Benzema, Lukas Vaskes, Borxa Mayoral.

Ma’lumot uchun, “Sevilya” – “Real Madrid” uchrashuvi 10 may kuniga o‘tar kechasi 00:30 da boshlanadi.

Akmalxon Eshonxonov