Ronaldu Portugaliyadagi eng qimmat uyni sotib oldi
Portugaliyalik super hujumchi Krishtianu Ronaldu Portugaliyaninig Lissabon Riviyerasidagi eng mashhur kurortlar Kashkaysh va Eshtoril hududlaridan 11 million yevroga villa sotib oldi. Yana 7 mln yevro ta’mirga sarflanishi kutilyapti.
Ta’mirdan so‘ng Ronalduning villasi 21 million yevrogacha qimmatlashadi va Portugaliyadagi eng qimmat uyga aylanadi. Uy kelasi yili to‘laqonli qurib bitkaziladi, ya’ni Ronaldu "Manchester Yunayted" bilan xayrlashish ehtimoli katta bo‘lgan paytda.
Uch qavatli villaning umumiy maydoni 2720 kvadrat metrni tashkil qilib, bog‘lar bilan o‘ralgan hamda ajoyib basseynni o‘z ichiga oladi. Yangi uydan Portugaliya poytaxti Lissabongacha 40 daqiqada bosib o‘tiladigan masofa bor.
Lissabon yaqinida bunday qimmat turar joyni sotib olish bir kun kelib Ronaldu professional faoliyatini boshlagan "Sporting"ga ko‘chib o‘tishi mumkinligidan dalolat beradi.
Ronaldu Portugaliyadagi eng qimmat uyni sotib oldi 
