Sardor Rahimxon “Azizim” taronasiga qaytadan klip suratga oldirdi
Joriy yilda to‘xtamasdan ijod qilib, ketma-ket tarona va videokliplarni taqdim etayotgan xonanda, O‘zbekistonda xizmat ko‘rsatgan artist Sardor Rahimxon navbatdagi videoklipi ustida ish olib bormoqda. Avval biz saytimiz orqali “Azizim” nomli kompozisiyasiga olinayotgan videoklip haqida ma’lumot bergan edik. Biroq, mazkur qo‘shiqqa Sardor Rahimxon qaytadan klip suratga oldirdi. Qiziq nima uchun xonanda deyarli tayyor bo‘lgan videomahsulotdan voz kechdi? Bunga oydinlik kiritish maqsadida Sardor Rahimxon bilan bog‘landik.
“ Bilasizmi, agar sababini aytsam ishonmaysiz. Haqiqatdan ham “Azizam” taronasiga qaytadan videoklip tasvirga oldik. Tarixda bo‘lmagan hodisa yuz berdi. Bobur Yo‘ldoshev hamda Asal Shodiyev ijrosidagi “Azizim” klipining syujeti “Sanamjon” qo‘shig‘imga juda ham mos tushdi. Shu sababli ikki taronaning o‘rnini almashtirdik. Demak, “Sanamjon”ning klipi bitdi. Ana undan keyin “Azizim”ga qaytadan videoklip suratga oldik. Rejissyor Dilmurod Agzamov. Bosh rollarni Doniyor Hafizov hamda Yulduz Rajabova yaratdi” – deya barchasiga xonanda Sardor Rahimxon oydinlik kiritdi. Demak, tez kunda bir emas, ikkita videoklip namoyish etilish arafasida.
Zoirbek - Katta Odam (SOUNDTRACK)
Sardor Rahimxon “Azizim” taronasiga qaytadan klip suratga oldirdi 
