Sardor Rahimxondan kuzning qaynoq premerasini qarshi oling
O‘zbekistonda xizmat ko‘rsatgan artist, o‘zbek estradasining yorkin vakili Sardor Rahimxon “Bodomgulim” deb nomlangan taronasiga videoklip suratga oldirgani haqida xabar bergan edik. "Jamilaxonim yomonlar" taronasining mantiqiy davomi sifatida yaratilgan bu tarona uchun iste’dodli klipmeyker Narimon Sultonxo‘jaev bilan maslahatlashgan holda suratga olingan antiqa syujetli videoklip bugun tayyor holga keldi va saytimiz orqali namoyish etilmoqda.
Mazkur videoklip myuzikl komediya yo‘nalishida bo‘lib, 55 daraja issiqda ikki kun mobaynida Hasti Imom mahallasida tasvirga olingan. Bosh rolni Munisa Rizayeva ijro etgan. Eslatib o‘tamiz, mazkur kompozisiyaning she’ri Aham Qayum tomonidan yozilgan, musiqa va aranjirovkasi Uchqun Sharipovga tegishli. Ha aytgancha, mazkur videoklip barchaga manzur kelishi va shov-shuvlarga sabab bo‘lishi aniq. Bunga o‘zingiz klipni ko‘rib, guvohi bo‘lasiz. Ayni damda saytimiz orqali bahramand bo‘lish imkoniga egasiz. Marhamat tomosha qiling va baho bering.
Sardor Rahimxondan kuzning qaynoq premerasini qarshi oling 
