Shoxrux repper sahnada ko‘rinmayotganining sabablarini aytdi va lisenziyasiga doir mish-mishlarga oydinlik kiritdi.
U o‘zining Instagrammdagi sahifasida quyidagi izohni yozib qoldirdi:
- “Men haqimda turli mish-mishlar yuripti, eshitishimcha, men sahnaga chiqish lisenziyamdan mahrum bo‘lgan ekanman. Quyidagi suratda nechi yillardan buyon lisenziyam borligi haqidagi dalillar keltirilgan. Har 3 oyda lisenziyamni yangilab turaman. Ko‘p yillardan beri estradaga sahnaga chiqmayotganimning sababi, erkak kishiga 40 hunar oz degandek, o‘zimga yarasha boshqa ishlarim ham bor. Shuning uchun, musiqa ohirgi darajali bo‘lib qolgan. Musiqa men uchun hobbi ekanligini birinchi marotaba estradaga chiqqanimda aytganman. Bo‘sh vaqtlarimda musiqaga vaqt ajratib turaman, bu narsani mani kuzatayotgan muhlislar juda yahshi bilishadi. Har hil yolg‘on gap tarqatadigan ayrim OAVlarga maslahatim, nimadir gapirishdan oldin dalillar keltirishsin. "O‘zbeknavo" Estrada birlashmasi hech qachon, hech kimni o‘zidan-o‘zi lisenziyadan mahrum qilmaydi va shunday qilingan holatda ham ular faqatgina qaysidir estrada vakili tomonidan yo‘l qo‘yilgan xatoliklari bo‘lsa, o‘sha ishni qonun doirasida ko‘rib chiqib, shunga yarasha qaror qabul qilishadi!”
Shoxrux repper sahnada yo‘qligi sabablarini aytdi 
