Toshkent shahar IIBB va Yashnobod tuman IIB xodimlari Telegram orqali mijoz qidirib, fohishalik bilan shug‘ullangan bir guruh qizlarni ushladi. Bu haqda UzNews xabar bermoqda.

Tadbir davomida aniqlanishicha, huquqbuzarlar ijtimoiy tarmoqlarda o‘zlarining axloqqa zid suratlarini chop etib, shu orqali mijoz qidirgan.

20 yanvar kuni soat 22:30 da qizlardan biri o‘zini «mijoz» qilib ko‘rsatgan huquq-tartibot idoralari odami bilan uchrashuvda jinoyat ustida ushlangan. Uning sheriklari ham aniqlangan.

Holat yuzasidan qizlar JPKning tegishli moddasi bo‘yicha javobgarlikka tortilgan.