Меню
Поиск
Фотоалбом
Главная » Файлы » MAHALLIY HABARLAR (UZB)

To‘y mashmashasi: restoranlar narxni ikki baravar ko‘paytirmoqda


Xullas, yaqinda to‘y qilmoqchi bo‘lgan tanishimiz bilan besh-oltita restoranga bordik. U davlatimiz rahbari aytgani kabi 150 kishilik to‘y qilishni rejalashtirgan. Bu ishi bilan yaxshi an’anani mahallamizda boshlab bermoqchi va orttirilgan mablag‘ni yoshlarning kelajagi uchun sarflamoqchi edi.

Afsuski, ixcham to‘y orzusi rejadagidek bo‘lmaydiganga o‘xshab turibdi. Chunki qaysi restoranga bormaylik, mehmonlar soni 150 nafar ekanini aytganimizda narxni ikki baravar qimmat qo‘ymoqda. Jumladan, ilgari kishi boshiga 60 ming so‘mgacha xizmat haqi olgan restoran egasi bu safar har bir kishiga 105 ming so‘mdan olishini aytdi. Yana ichimliklaru boshqa talay mahsulotlar to‘y egasi hisobidan. Boshqa bir nechta restoranda ham shu ahvol. Qisqasi, to‘yga 150 kishi chaqirsangiz ham, 500 kishi chaqirsangiz ham restoran uchun 15-17 million so‘m to‘lar ekansiz.

Endi o‘ylab ko‘ring, to‘ylarni ixchamlashtirish nima maqsadda amalga oshirilyapti? Odamlarning og‘irini yengil qilish, yillar davomida yiqqan-terganini bir kunda sovurib yubormaslik, shu pulni oilaning ertasiga yaraydigan biron foydali ishga sarflash ko‘zlangan edi. Ammo aftidan, ayrim restoran egalarining bu islohotlar bilan ham, xalqning og‘ir-engili bilan ham ishi yo‘q.

Shular haqida o‘ylab, mahallamizda yangi bir tashabbusni yo‘lga qo‘ymoqchimiz. Modomiki to‘yga 150 nafar mehmon aytilarkan, hech ikkilanmay bu bazmni hovlimizda o‘tkazsak bo‘ladi. Zahardan qimmat, shovqin-suronli restoran qayoqda-yu, uzoq-yaqin qarindoshlarning bir hovlida jam bo‘lgani qayoqda? Agar shu ishni boshlasak, aholining hech bo‘lmaganda 20 foizi hovlida to‘y o‘tkaza boshlasa, o‘z-o‘zidan restoranlar ham "hovur"idan tushadi.

Fattoh MURODOV,
Baxtiyor HAFIZOV,
Samarqand shahridagi Sharq tongi mahallasi faollari.

Manba: "Zarafshon" gazetasi



Категория: MAHALLIY HABARLAR (UZB)
Просмотров: 5249 | Комментарии: 1 | Рейтинг: 0| Рейтинг: To‘y mashmashasi, narx, ko‘paytirmoqda, ikki baravar, Restoran
Mavzuga Oid Boshqa Yangiliklar:
Реклама

Всего комментариев: 1
dima4436936 Wunday qilinglar ;-)
Like | 0
Элатма: Сайт ходимлари ўзларига ёқмаган изоҳларни фаоллаштирмаслик ва огоҳлантирмасдан ўчириш ҳуқуқига эга. Изоҳлар ҳақида тўлиқ маълумот мана бу манзилда (босинг)
Имя *:
Email:
Код *:

Профил

Время: 16:18
Добро Пожаловать, Mexmon

 
Логин:
Пароль:
Новинка у нас
Самое Популярное
Самое Популярное