Toshkent shahrining Sergeli tumanida 2018 yil 16 fevraldagi bedarak yo‘qolib qidiruvda bo‘lgan Toshkent viloyati Oqqo‘rg‘on tumanida yashagan, Sergeli tumani Obirahmat ko‘chasida joylashgan “Abror style” go‘zallik saloni ishchisi N.Mardonova (ismi o‘zgartirilgan) mudhish qotillik qurboniga aylandi. Bu haqda IIV Matbuot xizmati xabar bermoqda.

Ma’lum qilinishicha, N.M. shu go‘zallik salonidan noma’lum ayol bilan noma’lum tomonga ketib bedarak yo‘qolgan.

Ko‘rilgan choralar natijasida Toshkent shahar Sergeli tumanida ro‘yhatda turuvchi, vaqtincha Toshkent viloyati Quyichirchiq tumanida yashovchi M.Abdullayeva (ismi o‘zgartirilgan) uyida bo‘lgan janjal oqibatida N.M.ning yuziga sirka kislotasini sepib, bo‘yin hamda yelka qismlariga pichoq bilan urib, jarohat yetkazgani aniqlandi.

M.A. ayolning tanasini bolta bilan bo‘laklarga ajratib, polietilen qoplarga joylashtiradi va Quyichirchiq tumani hududidan oqib o‘tuvchi “Chirchiq” daryosiga tananing qorin qismini tashlab yuboradi.

M.A. o‘ldirgan ayol tanasining qolgan qismlarini ham shu daryo qirg‘og‘idagi chakalakzorga tashlab ketgan. Ko‘rilgan choralar natijasida M.A. ushlangan.

Akmalxon Eshonxonov