Bugun “O‘zbegim taronasi” radiosining premera loyixasida O‘zbekistonda xizmat ko‘rsatgan artist Sardor Rahimxonning navbatdagi ijodidan o‘rin olgan yangi kompozisiya jarang sochib xonanda yangi tarona uchun taniqli san’atkor Daler Nazarov ijodidan foydalangan.
Buning uchun Sardor shaxsan Daler Nazarovning ruhsatini oldi va matn ustida shoir Bobur Bobomurod bilan birga ishladi. Musiqaga Ahmad Hojimatov yangicha sayqal bergan bu tarona o‘zbek tilida “Tushlarimga kiring Otajon” deya nomlandi.
Sardor Rahimxonning aytishicha, qo‘shiq original variantidan keskin farq qiladi va mazkur tarona ham “Ishonmayman”, “Nazar-nazar” kabi xit darajasiga ko‘tarilishiga ishonadi. Otasining yorqin xotirasiga bag‘ishlab ijro etgan yangi qo‘shig‘i uning kabi ota mehrini sog‘ingan insonlar qalbiga malham bo‘ladi, degan niyatda yaratgan.
“Tushlarimga kiring Otajon” uchun albatta videoklip suratga olinadi. Ammo, ayni vaqtda qaysi klipmeyker bilan hamkorlik qilishi haqida aniq to‘xtamga kelmagan Sardor Rahimxon klip albatta otalarni ulug‘lovchi ma’noga ega bo‘lishi va tomoshabinlarni ta’sirlantira oladigan darajada yaratilishini ma’lum qildi. Mazkur taronani saytimiz orqali tinglab siz ham baho bering.
Efir Sirlari - Piano Version
“Tushlarimga kiring otajon”... Kutilgan tarona Sardor Rahimxondan 
