O‘zbekistonda xizmat ko‘rsatgan artist Ulug‘bek Rahmatullaevning "Seni izlab" deb nomlangan yakkaxon konsert dasturi bo‘lib o‘tmoqda. 6 noyabr kuni start berilgan konsert kutilmagan sovg‘alarga boy bo‘ldi. Ulug‘bek Rahmatullaev bu yil ham o‘z muxlislarini dastur davomida hayratga soldi. Bir nechta tillarda yangragan qo‘shiqlar , dilga yaqin taronalar barchani xushnud etdi. "Duetchi? Duet ham kuylandimi?" deb so‘raganlar uchun ha, duet ijro etildi. Hayolingizga ham kelmagan xonandalar bilan takrorlanmas duet qo‘shiqlar yangradi. Ulardan biri O‘zbekistonda xizmat ko‘rsatgan artist Rayhon bo‘lsa, ikkinchisi Tojikistonlik mashxur xonanda Jonibek Murodov. Qolaversa, konsertga mehmon bo‘lib, xonandani tabriklash uchun tashrif buyurgan ijodkorlar bilan ham sahnada jonli ijroda xonandaning qo‘shiqlaridan parchalar kuylandi. Konsertda yangi klip ham premera tarzida namoyish qilindi. Anshlag tarzda bo‘lib o‘tayotgan dasturga kelgan tomoshabinlar ham yangi qo‘shiq, ham yangi kliplarga birinchilardan bo‘lib guvohi bo‘ldilar. Konsertga nafaqat yurtimizning turli manzillaridan, balki qo‘shni va uzoq mamlakatlardan ham tomoshabinlar, muxlislar kelishmoqda. Eslatib o‘tamiz, ushbu dastur 12 noyabrgacha davom etadi.