A Seriya. “Roma” safarda “Atalanta” ustidan yirik hisobda g‘alaba qozondi, Shomurodov 21 daqiqa harakat qildi
Futbol bo‘yicha Italiya A Seriyasining 18-turidan o‘rin olgan “Atalanta” va “Roma” o‘rtasidagi o‘yin 18-dekabr, shanba kuni bo‘lib o‘tdi.
Uchrashuvning ilk daqiqasida Temmi Abraham hisobni ochdi. 27-daqiqada Nikolo Zaniolo rimliklarning ikkinchi goliga mualliflik qildi. Birinchi bo‘lim so‘ngida Brayan Kristante avtogol urib, hisobning qisqarishiga sababchi bo‘ldi.
72-daqiqada Kris Smolling, 82-daqiqada esa Temmi Abraham gol urib, “Roma”ning yirik hisobdagi g‘alabasini ta’minladi. Eldor Shomurodov 69-daqiqada Zanioloning o‘rniga maydonga tushdi.
A Seriya. “Roma” safarda “Atalanta” ustidan yirik hisobda g‘alaba qozondi, Shomurodov 21 daqiqa harakat qildi 
