Alisher Usmonov O‘zbekistonning siyosiy hayotida ishtirok etmasligini aytdi
Alisher Usmonov O‘zbekistonning siyosiy hayotida ishtirok etmaydi, deyilgan Usmonovning matbuot-xizmati tomonidan yo‘llangan press-relizda.
“Bundan oldin ham bir necha bor ta’kidlangani kabi, Alisher Usmonov O‘zbekistonning siyosiy hayotida ishtirok etmaydi.
Bu mavzu atrofida tarqalib ketgan mish-mishlar kon’yuktura bilan bog‘langan bo‘lib, aslida haqiqatdan yiroq. Janob Usmonovning O‘zbekistonda do‘stlari va qarindoshlari ko‘p. Agarda O‘zbekiston hukumati Alisher Usmonovga biror yordam yuzasidan murojaat etsa, u kishi “foydasi tegayotganidan” faqatgina xursand bo‘ladilar.
Janob Usmonov o‘zining tarixiy Vataniga omad va ravnaq tilashini alohida ta’kidladilar”, — deyilgan matbuot-xizmatining rasmiy axborotida.
Alisher Usmonov O‘zbekistonning siyosiy hayotida ishtirok etmasligini aytdi 
