Anjelina Joli va Bred Pitt bu yilgi yangi yil kechasini birga nishonlashmoqchi ekanligi borasidagi xabarlar tarqaldi.

Gollivudning eng chiroyli juftligi hakidagi bu ertakka muxlislar ishonisharmikan.

Qator Xorijiy ommaviy axborot vositalarining xabar qilishicha, mashhur aktyorlar Anjelina Joli va Bred Pitt yangi yil kechasini birga o‘tkazishga qaror qilishganining o‘ziga xos sabablari bor.

Ularning bu qarorga kelishlariga asosiy sabab qilib esa farzandlari ko‘rsatilmoqda. Aktyorlarning ikkalasi ham farzandlariga Yangi yil kechasi bazmida shunday sovg‘a hozirlashga hamda bolalarning xursandchiligiga sabab bo‘lishga kelishib olishgan.

Hozirda Bred ancha vaqtdan buyon bolalar bilan ko‘prok vaqt o‘tkazishga harakat qilayotgani sir emas. Chunki, juftlikning ajrashish jarayonida ham uning so‘ragan yagona narsasi, bolalar bilan imkon qadar muloqotda va aloqada bo‘lishini xohlash bo‘lgan.

Serqirra aktyor hatto o‘z mulkning teng yarmini 6 nafar farzandlari bilan uchrashib turishga erishish uchun Anjelinaga berishga tayyor ekanligini ham yashirib o‘tirmagan.

Aytib o‘tish kerakki, ularning Meddoknom, Paksom, Zararoy, Shaylo, Noksom va Viven ismli farzandlari bor hamda ikkala aktyor ham farzandlarini juda yaxshi ko‘rishlarini takrorlashdan charchamaydilar.

Avvalroq esa, juftlik ajrim jarayoni hakidagi ma’lumotlar ko‘proq yangrayotgan edi. Endi esa ularning o‘zaro bir-birlariga yaqinlashayotganini sezish unchalik qiyin emas.

Nazokat Zokirova