Ayshvariya Ray Kann Kinofestivaliga noodatiy ko‘rinishda tashrif buyurdi
Hind aktrisasi Ayshvariya Rayning ko‘p sonlik muxlislari uning ayollarga xos nazokatli va nafosatli obraziga o‘rganib qolishgan. Ammo yaqinda o‘tkazilgan Kann kinofestivalida Bollivud yulduzi o‘ziga yarashmagan qiyofada namoyon bo‘ldi, deb xabar berdi “Elle.ru” nashri.
Ayshvariya Ray livanlik dizayner Rami Kadi ijodiga mansub bo‘lgan, nafis gullar qadalgan nafis ko‘ylakda, labiga esa och-binafsharang lab bo‘yog‘i surtgan holda Kann kinofestivali qizil yo‘lakchasida paydo bo‘ldi. Shu paytgacha o‘z pardozida sipolikka, tabiiylikka e’tibor berib kelgan 42 yoshli aktrisa o‘zining bu qiyofasi bilan muxlislarini hayratga soldi.
Stilistlar mashhur yulduzning sochini oddiygina qilib, orqaga yig‘ishtirib, ko‘zlariga qo‘shimcha ifoda berish maqsadida qovog‘iga to‘q-jigarrang bo‘yoq surtishgan.
Ayshvariya Ray Kann Kinofestivaliga noodatiy ko‘rinishda tashrif buyurdi 
