Farg‘ona viloyatining Buvayda tumanida 3 fevral kuni tuman IIBga tushgan xabarga ko‘ra, shu yil 1 fevral soat 15.00 larda Chirkay mahallasida yashovchi, uy bekasi, 1981 yilda tug‘ilgan Zilolaxon Rojiyev uyi hojatxonasida jinsi o‘g‘il bolaga mansub bo‘lgan chaqaloq tug‘gan, deya xabar beradi Ichki ishlar vazirligi rasmiy sayti.

Ayol uni parvarish qilmay qasddan o‘ldirish maqsadida, o‘zining kiyimi bilan chaqaloqning butun tanasi va yuz qismini o‘rab, harorati sovuq bo‘lgan xonaga yashirib qo‘yishi natijasida chaqaloq vafot etgan.

Zilola Rojiyev uyida jasadni 3 kun hech kimga bildirmay saqlab kelganligi aniqlangan. Natijada Zilola Rojiyev qo‘lga olingan. Tergov harakatlari olib borilmoqda.