Ijtimoiy Tarmoqlardan Muntazam foydalanish Depressiyani keltirib chiqaradi
Psixologlarning ta’kidlashicha, foydalanuvchilar ijtimoiy tarmoqlar, jumladan Facebook va Twitter`da qancha ko‘p vaqt o‘tkazishsa, ularda tushkun kayfiyatga moyillik xavfi shuncha oshadi. Bu haqda “Vesti” xabar bermoqda.
AQShning Pittsburg universiteti psixologlari shunday xulosaga kelish uchun 19 dan 32 yoshgacha bo‘lgan 1,8 ming nafar amerikaliklar o‘rtasida so‘rovnoma o‘tkazishdi.
Asosiy vaqtini Facebook va Twitter`da o‘tkazadigan yoshlar jizzakilik, tushkunlikka ushbu ijtimoiy tarmoqlardan nisbatan kamroq foydalanadigan yoshlarga qaraganda 2,7 marta ko‘proq moyil bo‘ladi.
Olimlarning aniqlashicha, foydalanuvchilar YouTube, Instagram, Snapchat, Reddit va Tumblr kabi saytlarga bir kunda 61 daqiqa vaqtini sarflaydi. Bu esa haftasiga shu saytlardan 30 marta foydalanadi degani. So‘rovnomada qatnashganlarning 25 foizida depressiya alomatlari kuzatilgan.
Tadqiqotchilar ayrim foydalanuvchilar depressiyani yengish uchun ham ijtimoiy tarmoqlarga murojaat qilishini ta’kidlashmoqda. Ular ijtimoiy tarmoqlardan o‘ziga kerakli ruhiy ko‘makni ololmasa, tushkun kayfiyat yanada kuchayishi mumkin.
Saroy Javohiri-Soundtreck7
Ijtimoiy Tarmoqlardan Muntazam foydalanish Depressiyani keltirib chiqaradi 
