Ijtimoiy tarmoqlardagi guruhlardan birida noodatiy fotosurat e`lon qilindi. Unda haydovchining o'zi va yo'l harakatining boshqa ishtirokchilariga nisbatan hurmatsizligi yoqqol namoyon bo'ldi.

Tasvirlar Buxorodan olingan bo'lib, unda “Neksiya” haydovchisining o'z mashinasida juda katta hajmdagi gazlamani olib ketayotganini ko'rish mumkin. U transport vositasiga ancha qiziq tarzda joylashtirilgan – avtomobil orqa derazalari orqali joylashtirib qo'yilgan. Hech shubha yo'qki, bunday avto dunyoning istalgan mamlakatidagi yo'l harakati xavfsizligi boshqarmasi xodimlari tomonidan to'xtatilardi, bizda esa...

Bu fotosuratga qator izohlar ham qoldirilgan. Ulardan birida: "U telefonda ham gaplashmoqda, shekilli???", - deya yozilgan bo'lsa, boshqasida “Yukxonaga ham o'n qop sement joylashtirsa bo'lardi”, deyilgan.