Internetda firibgarlar test natijalarini bilish mumkin bo‘lgan raqamni tarqatdi
Internetda go‘yoki test natijalarini bilish mumkin bo‘lgan raqam tarqaldi.
Facebook’dagi “Potrebitel.uz” guruhiga joylangan (va keyinroq o‘chirib tashlangan) xabarda test natijalari chiqqani, buni bilish uchun ko‘rsatilgan raqamlarni terib, SMS-xabardan so‘ng DTM qog‘ozidagi kodni kiritish kerakligi aytiladi. Xizmat 10 sentga tushishi qo‘shimcha qilingan.
Biroq xizmatni sinab ko‘rgan foydalanuvchilar yozishicha, bu firibgarlarning ishi bo‘lib, raqamni tersangiz, hisobingizdan pul ketgani qoladi.
Eslatib o‘tamiz, avvalroq internetda go‘yoki Davlat test markazi rasmiy saytida 1-avgust kuni bo‘lib o‘tgan test sinovi natijalari bekor qilingani haqida berilgan e’lon tarqaldi. DTM saytidan olingan “skrinshot”da 1-sentabr kuni qayta test sinovlari o‘tkazilishi aytiladi.
O‘zbekiston oliy ta’lim muassasalariga kirish imtihoni natijalari yaqin kunlarda e’lon qilinishi kutilmoqda. Bu haqda Davlat test markazi “Daryo”ga ma’lum qildi. Natijalar aynan qaysi sanada e’lon qilinishi hozircha ma’lum emas, biroq bu aniq bo‘lishi bilan “Daryo” orqali xabar topishingiz mumkin.
buna a firibgarlar testdan oldin ham boshni ogritushadi ozi faqat oz bilimiga ishonadigan odamla oqishga topshirsa yaxshi bolardi alifdan habari yoqlar qancha nima qolganlani aybi puli yoqligidami yoq ex gapirganing bn yomon korinasanda
Internetda firibgarlar test natijalarini bilish mumkin bo‘lgan raqamni tarqatdi 
firibgarla
