Jasur Umirov “Onamga kelin kerak” deydi. Bu fikrga yechim ham topgan: “Endi uylanish kerak!”. O‘ziga xos ijodi, baqiroq ovozi bilan tanilgan Umirov yangi qo‘shiq yozdi va yuqoridagi ikki fikrni ham shu taronada ishlatdi! Xonandaning qo‘shiqlari boshqa hamkasblarinidan ajralib turishining bir siri bor. U aksariyat qo‘shiqlarining so‘zlarini o‘zi yozadi. Qofiyani ham keltirib qo‘yadi, bu yigit! Keyin o‘zicha musiqa bastalaydi. Shundanmi, ko‘pchilikning xayoliga kelmagan mavzu, qizlar ismini kuyga solib, ovozining boricha kuylaydi. Eng qizig‘i, Jasurning o‘zi yozgan qo‘shiqlari tez ommalashmoqda. “Jumagul” yodingizdami? “Vay-vay”-chi? “Kabutarim mani” yuzlab pleylistlardan joy olgani ham rost.
-Yangi qo‘shig‘imning ishchi nomi “Onamga kelin kerak”. Turkiyada klip suratga olishni rejalashtirganmiz. Ayni paytda klip ssenariysi ustida bosh qotiryapmiz. Men izlayotgan kelin rolini bokulik sohibjamol qiz yaratadi. U bilan virtual tarzda gaplashdim va roziligini oldim – deydi, bo‘ydoqlik sho‘xliklaridan charchab, endi uylanish “g‘am”ida yurgan xonanda.
Yana bir shov-shuvli klip bo‘ladi-yov! Qani, kutamiz!
Jasur Umirov onasiga izlayotgan kelinni Bokudan topdi(mi)!? 
