Jeyms Bond sarguzashtlari haqidagi yangi filmning tizeri chiqdi
YouTube portalida Sem Mendes tomonidan suratga olingan Jeyms Bond sarguzashtlari haqidagi navbatdagi «007: Spektr» filmining ilk tizeri joylashtirildi. Film Rossiya prokatiga 2015 yilning 6 noyabrida chiqariladi.
Bond sarguzashtlarining navbatdagi 24-qismida Bond o‘z o‘tmishidan xabar oladi. Bu xabar Bondning maxfiy va yovuz SPECTRE (Special Executive for Counter-intelligence, Terrorism, Revenge, and Extortion — Kontrrazvedka, qasos va tamagirlik bo‘yicha maxsus tashkilot) tashkilotiga qarshi kurashishiga turtki bo‘ladi. Ushbu tashkilot agent 007 ning “klassik” filmlarida uchraydi. Rejissyor yangi film undan oldin chiqqan “007: “Skayfoll” koordinatalari” nomli qismining to‘g‘ridan-to‘g‘ri davomi bo‘lmasligini aytdi.
Filmda rollarni Deniel Kreyg, Monika Belluchchi, Reyf Fayns, Lea Seydu, Deyv Batista, Kristof Vals, Ben Uishou, Naomi Xarris, Stefani Sigman, Endryu Skott va boshqalar ijro etishgan.
So'nmas Sevgi - Soundtreck
Jeyms Bond sarguzashtlari haqidagi yangi filmning tizeri chiqdi 
