"Liverpul”ning urugvaylik hujumchisi Luis Suares Futbol muxlislari assotsiatsiyasi tomonidan yilning eng yaxshi futbolchisi deb topildi. Homiy Uilyam Xill tomonidan g‘olibga taqdim etilgan mablag‘ni esa xayriya ishlariga sarfladi. Bu haqda Sports.ruxabar berdi.

26 yoshli hujumchi 10 ming funtni Urugvaydagi "Teleton” xayriya jamg‘armasiga topshirdi. Ushbu jamg‘arma tayanch-harakatlanish tizimi buzilgan bolalarni reabilitatsiya qilish markazlarining ikkitasini boshqaradi.

Kelishuvga muvofiq g‘olib mukofot pulini qanday maqsadga sarflashni o‘zi hal qiladi.

"‘Teleton’ fondining tashabbusida qatnashganimdan juda mamnunman va bunday imkoniyat yaratib bergan homiy  Uilyam Xillga minnatdorchilik bildirib qolaman”, — dedi Luis Suares.