«Barselona» hujumchisi Lionel Messi Angliyaning «Manchester Siti» jamoasi qiziqish doirasiga tushgan va bu xabar juda jiddiy ekanligi aytilmoqda.

Argentinalik iqtidor egasining klub sport direktori Erik Abidal bilan bo‘lgan kelishmovchiligi haqida xabar berilgan edi. Ushbu kelishmovchilik natijasida «shaharliklar»da Messiga qiziqish uyg‘ongan, deya xabar bermoqda ESPN nashriga asoslangan holda Uff.uz.

Messining «Barselona» bilan tuzgan shartnomasining bandida mavsum oxirida erkin agent sifatida jamoani tark etish bandi bor.

Ayni damda Messi uchun kurashda «Manchester Siti» yetakchi bo‘lib turibdi va inglizlar Messiga yilliga 50 mln funt maosh to‘lashga tayyor ekanliklarini bildirishgan.