“Barselona” hujumchisi Lionel Messi instagramdagi akkaunti orqali “Chelsi” jamoasining ikki futbolchisi, Tibo Kurtua hamda Felipe Luis bilan “do‘stlashdi”. U shuningdek, jamoaning rasmiy akkauntiga ham obuna bo‘lgan. Bu esa, uning shu oydayoq “aristokratlar” safiga o‘tib ketishi bo‘yicha xabarlar tarqalishiga sabab bo‘ldi.
Bu ehtimoliy transferga yana bir asos sifatida, Messi va “Barselona” murabbiyi Luis Enrikening munosabatlari yomonlashgani ham eslab o‘tilmoqda.
Qolaversa, biroz oldinroq Messi bilan avvalgi mavsumlarda “Barselona” safida to‘p surgan, hozirda “Chelsi”ning asosiy futbolchisiga aylangan Sesk Fabregas ham uni Londonga kelishga da’vat etgandi.
Shuningdek, matbuotda London jamoasining Messi uchun “Barselona”ga 200 million funt sterling taklif qilgani, futbolchining o‘zi esa ingliz-tilini o‘rganayotgani haqida ham xabarlar chiqqan edi.
manba: kun.uz
Messi “Chelsi”ga o‘tishi mumkinligiga ishora qilmoqda 
