Ispaniya chempionati 8-turida “Barselona” klubi “Eybar”ni 3:0 hisobida mag‘lubiyatga uchratdi, deb xabar bermoqda Uff.uz.
Hujumchi Lionel Messi uchun bu uchrashuv “Barselona” tarkibida barcha musobaqalardagi 435-o‘yin bo‘ldi. Bu o‘yinlarning 300 tasida kataloniyaliklar g‘alabaga erishgan, 86 bora durang o‘ynagan va 49 ta mag‘lubiyatga uchragan.
“Eybar”ga qarshi kechgan mazkur bahsda Messi Ispaniya chempionatida 250-golini kiritishga muvaffaq bo‘ldi. Bu borada rekord natijaga erishgan Telmo Sarraga yetishiga bittagina gol qoldi. Eslatib o‘tamiz, Messining joriy mavsumdagi gollari soni yettitaga yetdi.
Messi “Barselona”da 300 g‘alabaga erishib, 250-golini kiritdi 
