“Barselona” hujumchisi Lionel Messi La Liganing so‘nggi turida “Eybar” darvozasini ikki bor ishgol qildi (2:2).

Mazkur o‘yinda argentinalik klubdagi faoliyatida o‘zining 601 va 602-gollarini urdi. Ushbu ko‘rsatkichda u “Yuventus” hujumchisi Krishtianu Ronaldudan o‘zib ketdi. Ayni damda Ronaldu hisobida 601 ta gol mavjud. Messi mazkur natijaga erishish uchun 686 ta, portugaliyalik esa 804 ta o‘yin o‘tkazdi.

Ma’lumot uchun, joriy mavsum Messi hamda Ronaldu yana bitta o‘yin o‘tkazadi. “Barselona” Ispaniya Kubogi finalida “Valensiya” bilan o‘ynasa, “Yuventus” A Seriya so‘nggi turida “Sampdoriya”ga qarshi maydonga tushadi.

Eslatib o‘tamiz, 34 yoshli Ronaldu joriy mavsum barcha musobaqalarda 43 ta bellashuvda 28 ta gol urdi. Messi hisobida esa 49 ta bahsda 50 ta gol mavjud.