“Barselona” va Argentina terma jamoasi hujumchisi Lionel Messi qo‘lidan olgan jarohati tufayli muammolarga duch kelmoqda.

Ma’lumotlarga ko‘ra, qo‘li singan argentinalik futbolchi tirsagidagi og‘riq tufayli uxlay olmayapti.

Ma’lumot uchun, Lionel Messi “Sevilya”ga qarshi La Liganing 9-tur o‘yinida (4:2) yerga noqulay yiqilishi oqibatida qo‘lini sindirib olgandi.

Avvalroq, futbolchining davolanishi uchun 3 hafta yetarli ekani aytilayotgan edi. Ammo bu jarayonga ko‘proq vaqt kerak bo‘lishi mumkin. Uning maydonga qaytishi noyabr oyi o‘rtalarida amalga oshishi ehtimoli mavjud.

Shunday qilib, Messi YeChL doirasida “Inter”, La Ligada esa “Real” bilan bo‘ladigan muhim o‘yinlarni o‘tkazib yuboradi.

Dilmurodjon Rahimov