Argentina terma jamoasi hujumchisi va sardori Lionel Messi Jahon chempionatidagi uzoq kutilgan g‘alaba haqida fikr bildirdi.

“Men bu unvonni olishni juda xohlardim. Qarang, kubok qanchalar chiroyli. Biz bu yo‘lda ko‘p mashaqqat chekdik va uddaladik. Argentina terma jamoasini tark etish vaqti keldi deb o‘ylamayman, formada uch yulduz bilan o‘ynash qanday his tuyg‘ularni taqdim etishini bilmoqchiman”, - deydi Messi.

Messi faoliyatida birinchi marta Jahon chempioni bo‘ldi. Finalda Argentina terma jamoasi Fransiyani penaltilar seriyasida 4:2 (qo‘shimcha vaqtda 3:3) hisobida mag‘lub etdi. 

Avvalroq, Janubiy Amerika terma jamoasi ustozi Lionel Skaloni Messining Fransiyaga qarshi o‘yini futbolchi faoliyatida termadagi oxirgi o‘yin bo‘lishini ta’kidlagandi.