Estradamizning xushovoz xonandasi Munisa Rizayeva yaqindagina o‘zining yakkaxon konsert dasturini taqdim etgan edi. Oradan ko‘p o‘tmay, Munisa navbatdagi tuhfasi bilan muxlislarini xushnud qilishga kirishib ketdi. bugun “O‘zbegim Taronasi” radiosining premera loyihasi orqali xonandaning “Yurak” nomli qo‘shig‘i jarang sochdi. Kutilganidanda a’lo darajada qarshi olingan kompozisiyaning matn va musiqa muallifi Shuhrat Umar. Aranjirovkasi esa Jasur Badalboyev tomonidan amalga oshirilgan.
Bu hali hammasi emas. Munisa Rizayeva allaqachon mazkur qo‘shig‘iga videoklip suratga olish ishlarini ham boshlab yuborgan. Mahoratli klipmeyker Yodgor Nosirov rejissyorligida tasvirga tushirilayotgan videoklip haqida batafsil ma’lumotni tez kunda taqdim etamiz. Hozir esa Munisa Rizayeva ijrosidagi “Yurak” komli musiqiy asarni tinglashga chorlab qolamiz.
Munisa Rizayevadan yangi tarona premerasi "Yurak" 
