Hozirda Apple kompaniyasi yurak xurujlarini oldindan aytib beruvchi texnologiyalarni ishlab chiqish bilan mashg‘ul. Shuningdek, kompaniya bosh direktori Tesla Motors rahbari Ilon Mask bilan uchrashgan, deya xabar beradi SFGate.

THX (Tomlinson Holman’s eXperiment) hamda 10.2 (ikkita 5.1 tizimi) audio-standartlari yaratuvchisi Tomlinson Xolman tomonidan Apple uchun ishlab chiqilgan texnologiya tanadagi qon harakatining tovushiga qarab arteriyalarning holatini aniqlaydi. Tomirlarni "tinglash” uchun qurilma tanaga zich tegib turishi talab etiladi, shuning uchun ommaviy axborot vositalari mazkur texnologiya Apple’ning "aqlli soat”larida qo‘llanilishini taxmin qilishmoqda.

Keyingi bir necha oy davomida Apple tibbiyot sohasiga bir necha qadam tashladi. Joriy yilning 6-fevralida TechChrunch uning fitnes va uyqu bo‘yicha mutaxassislarni ishga yollayotgani haqida xabar qilgan edi. Shuningdek, 9to5mac portali  iOS 8 operatsion tizimida asosiy yangiliklardan biri Healthbook ("Salomatlik kitobi”) nomli yangi dastur bo‘lishi haqida yozgan.