Navoiyda kollej o‘quvchisi rashk sabab o‘zi unashtirilgan qizni pichoqlab o‘ldirdi
Navoiy viloyatida kollejning birinchi bosqichida o‘quvchi yigit va uchinchi bosqichda o‘quvchi qiz o‘rtasidagi munosabatlar o‘rinsiz rashk tufayli ayanchli yakun topdi, deb yozadi “Postda” gazetasi.
Yigit va qizning munosabatlari ota-onalari va qarindoshlarning qulog‘iga yetgach, yigitning onasi xolasini ergashtirib sovchilikka ham borib qizning ota-onasidan rozilik olib kelishgan. Birgina to‘y kunini belgilash qolgandi, xolos.
Sovchilar yaxshi xabar olib kelgach, yigit spirtli ichimliklar va turli taomlarni dasturxonga qo‘yib, do‘stlariga ziyofat berdi. Ziyofat chog‘ida do‘stlaridan biri unga qaylig‘i yengiltak qizligini, u bilan ham pinhona uchrashib turganini aytib qizni yomonlaydi. Yigit dastlab uning kayfi oshib qoldi, deb o‘ylab e’tibor bermaydi. Do‘sti uning jahlini chiqarishga harakat qilavergach, yigit unga tashlandi va og‘zi-burnini qon qildi.
Shundan keyin ham tinchimagan tanishi yigitning qaylig‘i bokira emasligini aytib, qizga tuhmat qila boshlaydi. Jahl otiga mingan yigit undan isbot talab qiladi. Do‘sti esa yigitning telefonidan qizga qo‘ng‘iroq qilib, unga ham shu gapni aytadi. Qizdan bu gaplar tuhmat ekanligini eshitgan yigit unga ishonmay, mashinasiga o‘tirib, qaylig‘inikiga yo‘l oladi, biroq qiz uchrashishdan bosh tortadi.
Ertasi kuni uchrashishganda qiz yigitga bu tuhmat ekanligini tushuntirmoqchi bo‘ladi. Biroq yigit yana ishonmay o‘sha do‘stini chaqiradi. Kayfi tarqaganiga qaramay, do‘sti o‘sha gapida turib oladi. Yigit yana jahl ustida qizni qistovga oladi, biroq qizning gaplariga ishonmaydi.
Rashk, gumon o‘tida yongan yigit avtomashinasiga solib qo‘ygan pichoqni oldi-da, qizning qorniga zarb bilan sanchdi. Birdan qiz hushini yo‘qotgach, yigit nima qilib qo‘yganini anglaydi va uni mashinaga yotqizib, shifoxonaga olib bordi. Biroq qiz o‘ziga kelmasdan hayot bilan vidolashdi. Jinoyat ishini o‘rganib chiqqan sud yigitga tegishli jazo tayinladi.
Bu yaxwi koriwmas wunchaki havasda chunki agar owa yigitcha rostan yaxwi korganda qizga pichoq kotariw u yoda tursin hatto bekorga xafa ham qilmasdi!!! Essiz UMR...
Navoiyda kollej o‘quvchisi rashk sabab o‘zi unashtirilgan qizni pichoqlab o‘ldirdi 
