O‘zbek san’atkorlari 352 mln so‘mdan ortiq mablag‘ni xayriya qildi
Ayni kungacha ko‘plab soha vakillari koronavirusga qarshi kurashga o‘z hissalarini qo‘shishgan edi. Endigi navbat san’atkorlarga yetdi. "O‘zbekkonsert"ning ma’lum qilishicha, o‘zbek san’atkorlari 352 mln so‘mdan ortiq mablag‘ni xayriya qilishgan. “Hozirgacha Ozodbek Nazarbekov, Yulduz Usmonova, Farrux Zokirov, Gulsanam Mamazoitova, Ulug‘bek Rahmatullaev, Mavluda Asalxo‘jayeva, Hosila Rahimova, Alisher Turdiev, Ziyoda Qobilova, rejissyor Sa’dulla Abdullaev hamda boshqa san’atkorlar tomonidan “O‘zbekiston mehr-shafqat va salomatlik” jamoat fondiga 200 million 500 ming so‘m hamda kam ta’minlangan oilalar va aholining boshqa yordamga muhtoj qatlami uchun 152 million so‘m, umumiy hisobda 352 million 500 ming so‘m xayriya mablag‘lari yo‘naltirilgan”, deyiladi xabarda.
O‘zbek san’atkorlari 352 mln so‘mdan ortiq mablag‘ni xayriya qildi 
