Россиянинг Mail.RuGroup компаниясига тегишли бўлган энг йирик ижтимоий тармоқларидан бири "Одноклассники” фойдаланувчилари жумага ўтар кечаси сайтга кира олишмади. Сайтнинг бош саҳифасига кирганда фойдаланувчилар техник носозликлар мавжудлиги ва "кейинроқхабар олинг” деган ёзувга дуч келишди.

Кейин аниқланишича, сайтда ускуналар билан муаммо чиққан бўлиб, уни бартараф этиш ишлари олиб борилган. Бу хақда "Одноклассники" тармоғининг матбуот котиби Мария Лапук ўзининг Twitter микроблогидаги саҳифасида маълумот берган.

"Одноклассники" ижтимоий тармоғи Россиянинг интернет бозорида энг йириклардан бири ҳисобланиб, унинг бир кеча-кундуздаги аудиторияси 40 миллион фойдалаунвчини ташкил қилади. Россияда "Одноклассники"нинг асосий рақобатчиси "ВКонтакте” тармоғи ҳисобланади.

 Manba:darakchi.uz