O‘zbekiston Vazirlar Mahkamasining 13 maydagi qaroriga binoan (pdf) Nizomiy nomidagi Toshkent davlat pedagogik universitetining (TDPU) yangilangan tuzilmasi tasdiqlandi.
Universitetning yangi tuzilmasida sakkiz fakultet faoliyat olib boradi:
- fizika-matematika;
- tabiiy fanlar;
-pedagogika, psixologiya va defektorlogiya;
- xorijiy tillar;
- tarix;
- kasbiy ta’lim;
- boshlang‘ich ta’lim va jismoniy tarbiya;
- chaqiriqqacha harbiy ta’lim.
Hukumat qarorida TDPUni qayta joylashtirish masalasi ham ko‘rib chiqilgan. U Chilonzor tumani, Bunyodkor ko‘chasi, 27-uy manzilidagi 1-sonli Toshkent pedagogika kolleji binolariga joylashtiriladi. 2017 yilning 1 avgustiga qadar OTM uchun qo‘shimcha binolar quriladi.
Universitetni ko‘chirish va takomillashtirish bo‘yicha chora-tadbirlar bilan maxsus komissiya shug‘allanadi.
TDPUning hozirgi binosiga yangi tashkil etilgan Toshkent davlat o‘zbek tili va adabiyoti universiteti joylashadi.
Toshkent pedagogika kolleji talabalari tahsilni qaysi binolarda davom ettirishiga aniqlik kiritilmagan.
Pedagogika universiteti Chilonzorga ko‘chadi 
