Qozog‘istonlik ayol yangi tug‘ilgan chaqalog‘ini yoqib yubordi
Qozog‘istonning Oqmo‘la viloyatida ayol yangi tug‘ilgan chaqalog‘ini yoqib yubordi. Bu haqda Cho‘rtanli tuman prokuraturasiga tayangan holda Novosti-Kazaxstan agentligi xabar bermoqda.
Prokuratura bergan ma’lumotga ko‘ra, voqea tumanning Bektov qishlog‘ida sodir bo‘lgan.
“1982 yili tug‘ilgan ayol eridan homilador ekanligini yashirib, bolani yashirin tarzda dunyoga keltirgan. So‘ng u chaqaloqni paketga solib, ko‘rpaga o‘ragan, so‘ng yoqib yuborgan”, – dedi prokuratura vakili agentlik muxbiri bilan suhbat chog‘ida.
Uning so‘zlariga qaraganda, bolaning jasadi morgga yuborilgan, sud-tibbiyot ekspertizasi tayin qilingan. Ayolga nisbatan esa jinoiy ish qo‘zg‘atilgan.
Yo Rabbim odamlaga nima bo'lyabdii ahmoq Ayol ekan Bu dunyoda qanchadan qancha insonla tirnoqqa zor. Kimla uchun xor Kimla uchun zor Olloxim o'zing Insof berginnn
Qozog‘istonlik ayol yangi tug‘ilgan chaqalog‘ini yoqib yubordi 
